श्री काशी विश्वनाथ अष्टकम: मंत्र हिन्दी में
॥ श्रीकाशीविश्वनाथाष्टकम् ॥
गङ्गातरंगरमणीयजटाकलापं
गौरीनिरन्तरविभूषितवामभागम् ।
नारायणप्रियमनंगमदापहारं
वाराणसीपुरपतिं भज विश्वनाथम् ॥1॥
वाचामगोचरमनेकगुणस्वरूपं
वागीशविष्णुसुरसेवितपादपीठम् ।
वामेनविग्रहवरेणकलत्रवन्तं
वाराणसीपुरपतिं भज विश्वनाथम् ॥2॥
भूताधिपं भुजगभूषणभूषितांगं
व्याघ्राजिनांबरधरं जटिलं त्रिनेत्रम् ।
पाशांकुशाभयवरप्रदशूलपाणिं
वाराणसीपुरपतिं भज विश्वनाथम् ॥3॥
शीतांशुशोभितकिरीटविराजमानं
भालेक्षणानलविशोषितपंचबाणम् ।
नागाधिपारचितभासुरकर्णपूरं
वाराणसीपुरपतिं भज विश्वनाथम् ॥4॥
पंचाननं दुरितमत्तमतङ्गजानां
नागान्तकं दनुजपुंगवपन्नगानाम् ।
दावानलं मरणशोकजराटवीनां
वाराणसीपुरपतिं भज विश्वनाथम् ॥5॥
तेजोमयं सगुणनिर्गुणमद्वितीयं
आनन्दकन्दमपराजितमप्रमेयम् ।
नागात्मकं सकलनिष्कलमात्मरूपं
वाराणसीपुरपतिं भज विश्वनाथम् ॥6॥
रागादिदोषरहितं स्वजनानुरागं
वैराग्यशान्तिनिलयं गिरिजासहायम् ।
माधुर्यधैर्यसुभगं गरलाभिरामं
वाराणसीपुरपतिं भज विश्वनाथम् ॥7॥
आशां विहाय परिहृत्य परस्य निन्दां
पापे रतिं च सुनिवार्य मनः समाधौ ।
आदाय हृत्कमलमध्यगतं परेशं
वाराणसीपुरपतिं भज विश्वनाथम् ॥8॥
॥ फलश्रुति ॥
वाराणसीपुरपतेः स्तवनं शिवस्य
व्याख्यातमष्टकमिदं पठते मनुष्यः ।
विद्यां श्रियं विपुलसौख्यमनन्तकीर्तिं
सम्प्राप्य देहविलये लभते च मोक्षम् ॥
विश्वनाथाष्टकमिदं यः पठेच्छिवसन्निधौ ।
शिवलोकमवाप्नोति शिवेन सह मोदते ॥
॥ इति श्रीमहर्षिव्यासप्रणीतं श्रीविश्वनाथाष्टकं सम्पूर्णम् ॥
******************************************************************************************
Shri Kashi Vishwanath Ashtakam in English
Ganga tharanga ramaneeya jata kalapam
Gowri niranthara vibhooshitha vama bhagam
Narayana priya mananga madapaharam
Varanasi pura pathim Bhajhe Viswanadham || 1 ||
Vachamagocharamanekaguna swaroopam
Vageesa Vishnu sura sevitha pada padmam
Vamena vigraha varena kalathravantham
Varanasi pura pathim Bhajhe Viswanadham || 2 ||
Bhoothadhipam bhujaga bhooshana bhooshithangam
Vygrajinambaradharam jatilam trinethram
Pasungusa bhaya vara pradha soola panim
Varanasi pura pathim Bhajhe Viswanadham || 3 ||
Seethamsu shobitha kireeta virajamanam
Balekshananila visoshitha pancha banam
Nagadhiparachitha basaura karma pooram
Varanasi pura pathim Bhajhe Viswanadham || 4 ||
Panchananam durutha matha mathangajanaam
Naganthagam danuja pungava pannaganam
Davanalam marana soka jarataveenam
Varanasi pura pathim Bhajhe Viswanadham || 5 ||
Thejomayam suguna nirgunamadweetheeyam
Anandakandamaparajithamaprameyam
Nagathmakam sakala nishkalamathma roopam
Varanasi pura pathim Bhajhe Viswanadham || 6 ||
Aasam vihaya parihruthya parasya nindam
Pape rathim cha sunivarya mana samadhou
Aadhaya hruth kamala Madhya gatham paresam
Varanasi pura pathim Bhajhe Viswanadham || 7 ||
Ragadhi dosha rahitham sujananuraga
Vairagya santhi nilayam girija sahayam
Madhurya dhairya subhagam garalabhi ramam
Varanasi pura pathim Bhajhe Viswanadham || 8 ||
Varanasi pura pathe sthavanam sivasya
Vyakhyathamashtakamitham patahe manushya
Vidhyam sriyaam vipula soukhya manantha keerthim
Samprapya deva nilaye labhathe cha moksham ||
visvanādhastakamidam puṇyaṃ yaḥ paṭheḥ siva sannidhau
sivalokamavapnoti sivenasaha modate ||
